E toavalu tagata ua pueina e leoleo ise suesuega na faia e faatatau ile aumaia, sapalaia ma le faatauina atu o le Fualaau faasaina o le cocaine i Niu Sila. O loo lipotia e le alii suesue o leoleo Greg Williams mai le National Organised Crime Group uatauaai pe a ma le 50kilo o le Fualaau fafasaina ua maua e leoleo mai le atunuu ma uafu foi i fafo atu ole atunuu, o se vaega lea o le suesuega Operation Mist.
O se suesuega lea e 10 masina galulue faatasi ai leoleo ma le ofisa o tiute e fesoasoani iai le DEA ma leoleo mai Columbia. E ono poloaiga mo le sueina o fale safaatautaia i Canterbury ma ua pueina ai le toafitu pe toavalu o i latou ile aso. O oloa na aveina e leoleo e aofia ai le 300 afe o tupe, tolu aunese o le cocaine ma crypto wallets . E talitonuina e pei ona lipotia e le Televise a Niu Sila, o i latou ua pueina sa faatino foi faaputugatupe faasolitulafono ma ua taua mai o i latou na pueina e aofia ai tagata Columbia e toaono ma le tagata Argentina e toatasi.
