Ua osofa’ia e Isaraelu Suria ma fāoa nisi teritori o lea atunuu a o folafola ai e Netanyahu o le a suia foliga o Sasae Tutotonu.
O le lipoti aupito lata mai a le CNN ua ta’ua ai o le faato’ilaloina o le faigamalo a Assad i Suria ua vaaia ai osofa’iga a le militeli a Isaraelu atoa ai ma le ave ane o ana fitafita i nofoaga sa faasā ai vaega’au mai le 50 tausaga talu ai.
Ua faamaonia ane e le militeli a Isaraelu e silia ma le 400 osofa’iga na o latou faia i Suria i aso e lua ua tuana’i ma fai mai a latou ua mafua le faato’ilaloina o le faigamalo talu ai ona o a latou osofa’iga sa faia i le Hamas, Hezbollah ma Iran.
Ua faailoa foi e le minisita o le va i fafo a Isaraelu o Gideon Saar o loo aga’i foi a latou osofa’iga i nofoaga faamiliteli a Suria o loo teuina ai a’upega e aofia ai ma vailaau ma a’upega e fana mamao ina ia alofia ai le oo o ia a’upega i lima o i latou o le a faafoeina Suria.
Na ta’ua foi e le ta’ita’i’au o le vaega’au a Isaraelu e lē o ia o se perofeta e tāua tele le faatino loa o laasaga e mana’omia ona faia i le taimi nei mo le puipuiga o Isaraelu.
E lē o ta’ua i le lipoti se manatu faaalia mai le vaega a le Rebels i Suria e tusa o osofa’iga a Isaraelu.
Puna o Faamatalaga: https://edition.cnn.com/2024/12/10/middleeast/israel-syria-assad-strikes-intl/index.html
