O aiaiga ma ta’iala ua faailoa e le soākomiti a le malo o loo gafa ma le tapenaina o le lotoifale o galuega tau faasalalauga o le Fono a Malo o le Taupulega, e pei ona fesiligia e sui sinia o le galuega faatusitala ma faasalalau i Samoa, ua ave ai se tusi i le Palemia, a le Pelesetene o le JAWS poo le asosi a tusitala ma tagata faasalalau a Samoa.

Na faailoa lea gaioiga ua faatino i se fonotaga na taloina a nisi o sui matutua o le asosi, ma le faaaliga mai le Pelesetene, o se tusi o loo talosaga ai i le ta’ita’i o le Malo o le ta’ita’ifono o le komiti tele o tapenaga o le Fono a Malo o le Taupulega, ina ia silasila ane pe lē toe iai se isi fetuuna’iga o aiaiga ona e lē tutusa ma taga tasi le faatinoga o le galuega pe a oo ina lipotia le faagasologa o lea fono faavaomalo.

Faaalia foi e le Pelesetene o le JAWS le tamaitai o Taliilagi Keresoma, o le sulu atu o le asosi i le ta’ita’i o le Malo, ua na o le pau lea o le toomaga, ae afai e lē tau ane ai se faatatau, o le a toe feiloa’i sui sinia ma matutua o le asosi e talanoa ma saili se isi fofo.