Ua iai ni lapataiga ua faamatuu i le aso ananafi mo nisi o matafaga e mātele ina agai iai tagata i aso taitasi, o lapataiga e faatatau i le ono aafia i ni siama mo i latou e agai mo ni taelega i le aso.
Ua mafua lea tulaga ona o tafega na aafia ai nisi o faaitu i le po o le Aso Sa ma agai ane ai le otaota ma le suavai palapalā i le sami ma matafaga.
Fai mai sui o le malo sa feagai ma le asiasiga o ia vaega, e le o saogalemu le tele o matafaga aemaise mai Coogee agai i le North Curlcurl beach.
O isi matafaga o loo aafia e aofia ai Bronte, matafaga i Manly ma North and South Steyne.
O suavai timu e aofia ai otaota mai manu ma tagata, o sikleti ma suauu ma isi tulaga faapea e mātele ina faaiu uma ane i le sami ma afua ai lapataiga mo le saogalemu o tagata lautele.
