Ua taunuu le ausu’esu’e i le ofisa o le Peresetene o Korea i Saute e faatino le poloa’iga e pu’eina ai, warrant of arrest.
O loo mana’omia le Peresetene ina ia fesiligia i nisi o tuua’iga e faatatau i le ta’ita’ia o se vaega faatupu vevesi pe tetee i le faigamalo lea na ia folafola ai le pulega faaletulafono a le militeli i le amataga o le masina na te’a nei.
O le vaiaso nei ua ioeina ai le poloa’iga a le faamasinoga mo le alii Peresetene ma o le taimi muamua foi lea ua faia ai se tulaga faapea i se Peresetene o loo seei i le tofi.
E to’atele leoleo ua vaaia i le nofoaga o le Peresetene i Seoul ma o loo tumutumu atu ai foi ma le aulagolago a le Peresetene.
O le taimi nei o le minisita o tupe, Choi Sang lea ua avea ma Sui Perestene o le atunuu a o talitali ai le to’atele pe o le ā le tulaga o le a iai le mataupu a le alii Peresetene, Yoon Suk Yeol.
Puna o Faamatalaga: https://edition.cnn.com/2025/01/02/asia/south-korea-president-arrest-warrant-hnk-latam-intl/index.html
