E 12 vaa fagota o se kamupani faifaiva o loo lesitala i le atunuu o Vanuatu ua faamautu nei le faatau ese faamalosi e le Pulega o Uafu ma Taulaga le Samoa Ports Authority, ina ua faamalieina aiaiga o le tulafono o vaa a Samoa o le tausaga e 1998, ma le faamalieina o le vaega 11 ma le 12 o le Feagaiga faavaomalo o auaunaga tau gataifale o le tausaga e 1993.
I se faasalalauga faalauaitele o le faatinoina o le faia o se faatauga faamalosi poo le Notice of Forced Sales of Sea Vessels, o loo faailoa ai o le aso 8 o Ianuari o le tausaga fou 2025 e faatino ai lea fuafuaga.
Ua mafai ona faatino le faatau ese faamalosi o ia vaa fagota ina ua maea ona faatino se soalaupulega faaletulafono i le faamasinoga maualuga a le atunuu, lea na faaulu e le Pulega o Uafu ma Taulaga faasaga i le kamupani o le Apia Deep Sea Fishing Limited na fai paaga ma le kamupani e ana ia vaa fagota.
O le tapenaga a lePulega o Uafu ma Taulaga mo lea fuafuaga ua faatalau’ula ai i le atunuu iai latou o iai se manaoga e fia faatau se vaa fagota ina ia faailoa atu a o le’i oo i le aso e faatino ai le faamoemoe.
