E lē o toe mamao maua le tali pe faamata o le a sui agai i le ta’i lua vaiaso ma ao le lapisi a Aukilani.
O le suiga lenei o loo vaavaai iai le puleganuu a Aukilani e suia i le ta’ilua vaiaso faato’ā ao le lapisi lea o loo aoina i vaiaso ta’itasi, ma o lona uiga o le a tutusa ai ma le recycle.
O se vaega o le Waste Management and Minimisation Plan a le puleganuu ma o le aso 10 o Oketopa lea o le a fono ai le komiti ma iloa ai loa le tonu, ma afai ae pasia o lona uiga e ono amata aloa’ia mai le 2026.
O le finagalo o sui o le puleganuu o loo lagolagoina, o se faiga o le a unaia ai tagata e faaaogā bin recycle ma food scraps ma faaitiitia ai foi le tele o le lapisi lafoa’i.
Ae mai sui o loo teena, ua umi tele ona faatali i le lua vaiaso ma e lē fetaui mo aiga toatele.
Puna o Faamatalaga: Decision on Auckland’s fortnightly rubbish collection coming soon – NZ Herald
