E tausaga ma masina o le a fausia ai le nofoaga fou e tapuvaetasi iai galuega a le Matāgaluega o Faamasinoga ma le Faafoeina o Matāupu Tau Faamasinoga i le motu o Savaii, e pei ona fausia lea nofoaga i le taulaga i Salelologa i le tau e silia i le 16 miliona tālā.
O le Aso Faraile ua mavae i le sauniga o le suaina o le eleele e aloa’ia ai le amata fausia o lea nofoaga na faailoa ai e le Palemia le ave o le faamuamua a le malo i le fausia o lea galuega ua vaevaeina i vaega e tolu.
Papalii John Taimalelagi Afelē
Leuatea Polataivao Fosi
Sili Elizabeth Peters
O ia vaega e aofia ai maota faamasino mo galuega a le faamasinoga, o le ofisa mo galuega a le matāgaluega, ma le maota e faamautū iai afioga i alii ma tama’ita’i o le faamasinoga, e lē gata o faamasino o le Faamasinoga o Soligatulafono ae o faamasino o le Faamasinoga o Fanua ma Suafa.
Le afioga i le Palemia, susuga Laaulialemalietoa Leuatea Polataivao Fosi i se vaega o lana saunoaga i le sauniga na suaina ai le eleele mo le amatalia o le galuega.
Ua fuafua o Fepuari o le tausaga e 2028 e mae’a ai lea galuega ona tatala lea ma faaaogā, ma o le a lē toe faia ai faamasinoga ma isi galuega a lea matāgaluega i le nofoaga o loo iai nei i Tuasivi.
