E ono faasala i le oti le au osofa’i a le Hamas ina ua pasia e Isaraelu le faatūina o se tribunal e feagai ma le faalavelave lea ia Oketopa 2023.
E faitau selau sui o le Hamas na tuua’ia i le faatinoina o soligatulafono o taua i le taimi na o latou osofa’ia ai Isaraelu ia Oketopa 2023, ma e ono fesaga’i ma le faasalaga oti ina ua ioeina ma pasia e Isaraelu le faatūina o se tribunal faapitoa faamiliteli e faafoeina matāupu ia.
O le tulafono lea ua lagolago iai le Palemia o Isaraelu ma lana itu ae faapea foi i le to’atele o le Itu Agai.
Fai mai e 93 na palota ia pasia lea tulafono ma ua mae’a foi le faitauga 2 ma le 3 o lea tulafono, le Prosecution Law for the October Massacre.
O le osofa’iga lea a le Hamas na fasiotia ai le silia i le 1,200 o tagata Isaraelu ma ave faapagota ai le silia i le 250 o tagata Isaraelu.
Puna o Faamatalaga: https://edition.cnn.com/2026/05/11/middleeast/israel-tribunal-hamas-attackers-death-penalty-intl-latam
