Ua faailoa i lipoti a le CNN i le asō, a o faaauau pea ona una’ia e Amerika Taiwan ina ia faaalu tupe i le itu tau le puipuiga ne’i tula’i mai se osofa’iga mai ia Saina, ae ua finau ane se tasi o sui faipule e tatau ona faatino le faafeagai o lea tulaga, ia faaitiitia fesaga’iga ae faatele talanoaga.
Faato’ā mae’a mai talanoaga ma le ta’ita’i o Saina, Xi Jingping i Beijing ua faailoa ai e le ta’ita’i o le Itu Agai a Taiwan i le CNN e lē na o ‘au’upega e faasaogalemu ai Taiwan.
Fai mai Cheng Li Wun e lē fia pei Taiwan o se isi Ukraine.
Ua faia ia faamatalaga a le ta’ita’i o le KMT ina ua mae’a pasia le paketi tau le puipuiga mo le atunuu, ua toe faaitiitia mai ai le vaegatupe e 40 piliona sa fuafua mo tulaga tau le puipuiga ma le faatauina mai o ‘au’upega mai ia Amerika.
O loo talitali le to’atele i le feiloa’iga o loo fuafua a Trump ma Jingping i se taimi e lē o toe mamao e lē taumate o le a lōtea ai lea matāupu.
Puna o Faamatalaga: https://edition.cnn.com/2026/05/10/asia/taiwan-us-china-kmt-intl-hnk
