Ua alia’e āuga o le Hantavirus i se tasi o pasese a le vaa o le MV Hondius lea na maliliu ai tagata e to’atolu ma isi na aafia a o alu le faigāmalaga a lea vaa mo tafaoga poo le Cruise ship.
O le pasese lea na aga’i ese ma le vaa i Farani ma ua faamaonia ane e le Palemia i le BBC o loo ua aafia lea tagata i āuga o le Hantavirus.
O le pasese o se tagatānuu o Farani ma o le to’alima uma o i latou na aga’i ese mai le vaa sa faanofoesea uma se’ia tālia su’esu’ega poo aafia.
Fai mai le matāgaluega o le va i fafo a Farani i le BBC afai e mae’a le 72 itula o loo faanofoesea ai i latou ia ona faamatuu lea i o latou aiga e tatau ona faanofoesea ai foi mo le isi 45 aso ia mautinoa o loo saogalemu ma e lē o aafia i le vairusi.
E to’a 14 isi pasese mai Spain na malaga ane faatasi i le vaa lava lea ma ua aveina sa’o atu i Madrid o loo faanofoesea ai foi i se falema’i o le militeli i le laumua o Spain.
O pasese Peretania ua ave atu i le vaalele i Manchester ma e lē o iai nisi o lipotia le aafia i ni āuga ma o loo māta’itūina pea.
Puna o Faamatalaga: https://www.bbc.com/news/articles/c3r2p70jdy7o
