O lea o le a toe ma’umau isi tupe e toe sui ai le saoasaoa e feoa’i ai taavale.
E silia ma le $250,000 tupe a le puleganuu a Far North o lea na faaalu e tuu mai ai i lalo le saoasaoa faatapulaa e feoa’i ai taavale, peitai o lea o le a toe faalēaogā ma e faapea e sili atu le isi tupe o le a toe sui ai.
Fai mai le faipule Northland ia Grant McCallum ua ma’umau tupe i le faia fua o le suiga ae o lea lava na mua’i faailo mai e le malo na te suia le saoasaoa na faia e le faigamalo faato’ā uma atu.
O lea ua faasolo pea suiga o le saoasaoa e feoa’i ai taavale i luga o le 300 auala i le Bay of Islands e aofia ai Kerikeri, peitai o lea o le a toe faafoi uma i le mea na iai.
Ua fai mai ai le faipule e lei lelei fuafuaga o lenei suiga aemaise o faatalanoaga sa tatau ona faia ma ua na o le ma’umauga o tupe a tagata totogi rates faapea le taimi faaalu.
Puna o Faamatalaga: Far North District Council under fire for reducing speed limits despite government mandate – NZ Herald
