Ua tutū faatasi local boards e 21 a Aukilani ma tetee atu i fuafuaga e foliga mai, o i latou nei o le a faatumuina le ava e $17.6 miliona o le paketi a le aai.

O le tusi lenei e lipotia o le aso 10 o le masina lenei na tuuina atu ai, ma o loo faaautūina, e leai se fesoota’iga o le Fairer Funding a le puleganuu a Aukilani, poo le polokalame lenei e faamatuu mai mo le faasoaina o tupe faaagaga mo Local Boards uma a Aukilani.

O loo matua’i teena e le tusi lenei le tau tuua’i a le puleganuu e tatau i Local Boards ona totogia le ava o le paketi e lē gata o le tausaga lenei a o le aga’i i luma.

O loo autasi uma finagalo e tatau i le puleganuu ma councillors ona toe tagataga’i i isi auala e tali ai le faafitauli lenei e pei o le sii o rates.

Ae i se tali mai a le pulenuu o le aai tele, Wayne Brown e tusa ma lipoti a le 1News, e tatau i Local Boards ona faasoa lelei ma o tagata uma lava foi lea e tau fai lagona le faigatā o nei ona vaitau.

Puna o Faamatalaga: Auckland’s struggling local boards unite in letter to Wayne Brown