O le asō e tulai ai i le faamasinoga le avetaavale mai Ausetalia i Saute ona o le faalavelave ua maliliu ai tamaiti e to’alua e pei ona lipotia atu i le amataga o le vaiaso, le faalavelave na lavea ai se manu, emu ma lavevea atu ai ma isi taavale sa i tua ane.

O le avetaavale e 22 tausaga le matua, ma ua molia i moliaga e lua o le avetaavale mata’utia ua mafua ai le maliu ma moliaga e fā e faatatau lava i le faamanu’alia ai o tagata ona o le lē faafoeina lelei o taavale.

O lea alii ua faailoa e mai Mt Gambier foi ma e le’i iai ni manu’aga mai le faalavelave ae na pu’e e leoleo ananafi ma teena le tatala mai i tua.

O le tamaitiiti 5 tausaga ma lona tuafafine e 15 tausaga ua maliliu i lenei faalavelave ua atoa iai le 72 o soifua ua ma’umau i faalavelave i luga o alatetele i Ausetalia i Saute i le tausaga nei.

Puna o Faamatalaga: https://www.9news.com.au/national/man-charged-over-south-australia-emu-crash-that-killed-two-children/5171df4f-7dec-4b75-87ce-dbc9bad8c4f2