O faamaumauga autū e faatatau i faamatalaga na faia e ni tausi soifua se to’alua mai Sini e faatatau i le fasiotia o gasegase Isaraelu e oo ane i le falema’i sa faigaluega ai, ua oo nei i le tulafono.
O tausi soifua nei e to’alua e pei ona lipotia atu foi muamua i talafou, o Sarah Abu Lebdeh ma Ahmad Rashad Nadir na maua lelei i luga o se video lo la faia o ia faamatalaga faamata’u ma ta’ua ai lo la mumusu e togafiti gasegase Isaraelu e oo atu i le falema’i ae sili ai ona faaoo iai le oti.
O le falema’i o Bankstown-Lidcombe sa faigaluega uma ai ma o le asō ua toe fofoga ai le mataupu i le faamasinoga.
Sa auai atu iai o la aiga ma nisi e lagolago iai ma ua tolopo le faamasinoga se’ia aulia le masina o Me.
Ua ta’ua i lipoti faamatalaga mai a la loia o loo fuafua e talosaga e aveesea le video lea mai faamaumauga ona e pu’eina lea video e lē o iloa e i la’ua ua molia.
Puna o Faamatalaga: https://www.9news.com.au/national/sydney-nurses-accused-alleged-antisemitic-threats-to-face-court/77ad3934-6c8e-4633-99fa-ae0e34d70e8d
