Na toe foi le vaalele na aumai ai pagota mai Aukilani i Kalaiesetete ona ua faaleaga e se tasi le faamalama.
Na faamaonia mai e le vaega o falepuipui, e to’avalu pagota sa i luga o le faigamalaga lenei i le Aso Lulu, peitai na faate’ia ina ua faaleaga e se tasi o pagota tamaitai le faamalama ma faamanu’alia ai lona lima.
O le toe foi ai o le vaalele i Aukilani na toe faafoi saogalemu ai loa pagota i le toese, ma o le pagota tamaitai foi na faaleagaina le faamalama o le a faia iai moliaga a o faasolo pea su’esu’ega.
Mai le sui o le pulega, o le faiga lenei e faaaogā ai vaalele e feavea’i ai pagota tai lua vaiaso o se faiga e faigofie ona feavea’i ai i totonu o le atunuu, ma o faigamalaga togipau foi nei e na o le aufaigaluega lava ma pagota.
Puna o Faamatalaga: Prisoner transport flight turns around after onboard disorder
