Ua mae’a ona iloilo e le Komiti Faatonu o le Lakapi Samoa le taimi galue o le Ofisa Sili o loo tauaveina lea tofiga i le taimi nei le susuga Faleomavaega Vincent Fepuleai, ma ua toe faaopoopo ai le isi 12 masina e galue ai.

Ua faailoa e se sui o le komiti faatonu le susuga Faleomavaega Titimaea Tafua i le nusipepa o le Sunday Samoan, o le toe faaopoopo o le isi tausaga o se faaiuga na fausia i se maliena o le komiti faatonu poo le Board a le Pulega o le Lakapi Samoa.

O le tausaga e 2015 na avea ai Faleomavaega Vincent Fepuleai ma Ofisa Sili o le pulega o le lakapi a Samoa.

O se tasi o tofiga sa iloilo e le komiti faatonu i le latou fonotaga ua mae’a o le tofiga o le faiaoga ulu mo le ‘au tele a le Manu Samoa, lea o loo tauave nei e le afioga Vaovasamanaia Seilala Mapusua.

E lei mautu se faaiuga o lea iloiloga mo le taimi nei.