E toalua ni tamaitai mai Perth ua molia nei ile taumafai e faaunetupe faasolitulafono pe a ma le miliona maua mai ni fetuunaiga na faia o loo fetauaina ai se kegi tietie pasika ma fualaau faasaina.
O ia tamaitai e toalua e 33 ma le 39 tausaga le matutua ua fuafua e tutulai ile faamasinoga I le aso ona o se suesuega sa feagai ai ma le vaega o leoleo a le Feterale a Ausetalia, le AFP.
O loo lipotia e le channel 7 o le mataupu lea na fetauaina ai e leoleo ia Me ole tausaga na tea nei na iu ina oo ai le 33 tausaga lea I Perth ma seisi tagata e kiliva iai ni taga se lua, na sueina e leoleo ia taga ma maua iai le faitau afe o tupe.
O nisi suesuega faaopoopo na faia na maua ai ma isi tupe lea fai mai e oo atu I le 996, 165 na mauaina e leoleo. Na pueina tamaitai ia e toalua e leoleo ina ua sueina o la fale I Perth lava ma ua molia nei I teugatupe faasolitulafono ma e ono oo ile 20 tausaga ile falepuipui se faasalaga pe afai ae faamaonia.
