E toa 11 le au tetee ua pueina e leoleo mai le tetee sa faia ua poloka ai le agai atu o trains i le itu i Saute o le Transmission Gully.

Fai mai le ofisa o leoleo na logoina i latou i le mataupu lea i le afa o le fitu i le taeao analeila ina ua vaaia ni vans se lua na malaga atu ai le au tetee ma poloka ai le traffic.

Fai mai leoleo o gaioiga faapea e solitulafono ma e lamatia ai soifua o le au tetee ma isi tagata feoai. 

Ua faamaonia la o le toa 11 lea ua molia uma ma e tutulai i le faamasinoga faaitumalo i Porirua i le aso.

O se vaega nei o tetee o loo agai ina ia faaauau pea le faaauauina o trains mo faigamalaga a tagata lautele ma o le a gafatia foi e le toatele.

Ua ta’ua i le lipoti o nisi o le au tetee na glue faatasi o latou lima i le auala ma atili ai le poloka o taavale.