O loo iai i se tulaga tigaina se talavou e 18 tausaga lea ua lipotia na tui e le tagata tulou i Woy Woy, o se pitonuu i Niu Sa Uelese ma ua pu’e ai e leoleo se isi alii e 24 tausaga.
O le Central Coast na tupu ai le faalavelave lea fai mai leoleo na osofa’ia ai lea talavou i se fale i Woy Woy poo le ‘afa o le 9 i le po anapo.
Na ave atu lē na aafia i le falema’i i Gosford mo togafitiga ma o loo taofia i se tulaga tigaina.
O lē ua molia e 24 tausaga na pu’e e leoleo i Point Clare ma ave ai i le ofisa o leoleo i Gosford.
Fai mai mo le taimi nei e leai ni moliaga ua faia i lea mataupu ae o loo galulue leoleo i le faia o su’esu’ega.
Puna o Faamatalaga: https://7news.com.au/news/man-18-critically-injured-in-stabbing-in-woy-woy-nsw-c-17875857
