O lea ua taunuu manuia i o tatou fanua ma eleele le faigamalaga mamalu a le Tupu o Salesa III ma lana Masiofo o Camilla, e pei ona sa molimauina i faasalalauga tuusa’o mai le malaevaalele i Faleolo i le afiafi anapo le po o le Aso Lulu.
O le tula’i faaaloalo a leoleo o se faaaloalo maualuga faalemalo na tomua ai polokalame o le asiasiga taualoa, lea sa molimauina le auai o le ta’ita’i o le malo i le Afioga i le Tamaitai Palemia ma nisi o Minisita o le Kapeneta e faafeiloai le taunuu ai o le faigamalaga mamalu.
O le afio’aga o Falelatai na faatinoina le tasi o faaaloalo maualuga a le atunuu, o le ava faatupu sa faia i le fale Samoa a le iunivesite aoao o Samoa, e tatala ai polokalame o le aso muamua o le asiasiga taualoa a le Tupu ma lana Masiofo.
