O le aso lea ua faaiuina ai le faamanatuina ole vaiaso mo tupulaga talavou ile atunuu ma ua taualuga ai ile motu tele i Salafai.
Na amata mea i Upolu nei lenei faamoemoe epei ona nisi o polokalame faagasolo a Matagaluega ale Malo mo fanau aoga e le gata i auaunaga ma atinae tau le siosiomaga ma faigafaiva ao folasaga ina ia faalauaitele ai le malamalama.
I le sauniga mole tapunia ai olenei faamoemoe na saunoa ai le Minisita Lagolago ale Matagaluega a Tina ma Tamaitai Atinae o Afioaga ma Aga Fesootai Afioga Seuamuli Fasi Toma.
“O tomai ma agavaa o tupulaga talavou e saofaga ma gafataulimaina ai le faaleleia ole siosiomaga mo nei taeao ma e lua ole auga lena olenei vaiaso faamanatu.”
“A talatala lenei manulauti ona faapea lea ole laau e toto nei e manuia ai tupulaga o a taeao.”
“Sa o tatou talatala, faafailele ma tapue tomai ma agavaa o tupulaga talavou ina ia fesoasoani ai ile gafataulimaina male faaleleia ole siosiomaga.”
“Ae ole mautinoa ua iai le silafia e faatinoina ai atinae aua le tausiga o aiga nuu ma afioaga.”
“Mo tupulaga ia faaauau pea ona faataua lo outou sao mole atinaeina o Samoa.”
Mo Savaii na afea ai ele polokalame nisi o au faifaatoaga faapea nisi o nofoaga oloo faafailele ai laau ale Matagaluega o Siosiomaga i Maota.
