E ui ua maea lapatai e leoleo, e le o tapunia ai le fale taalo poo le gym i Aukilani e le o faaaogaina vaccine passes

Oliver MMA HQ i New Lynn e tusa ma tala mai le pulega, Steve ma Krissy Oliver, e moni o loo soli le tulafono peitai o loo tatala pea mo tagata ma le komiuniti e le o taliaina i isi fale taalo ona o le poloaiga mo tui

I lalo o le traffic light system ua iai Niu Sila atoa o loo faatonuina ai pisinisi e latalata i tagata e aofia ai fale taalo, fale oti ulu faapea le hospitality sector e tatau ona siaki vaccine passes o tagata ma e na o le pau foi ia o tagata e tatau ona faataga i totonu o faleoloa ma pisinisi

Peitai, e le o taofia ai le faletaalo lenei i sisifo o Aukilani, ma o le Aso Faraile lava na tatala ai le traffic light system na asia ai e leoleo faapea ai le Aso Sa, ma i le maea toe asia i le Aso Sa na logoina ai loa e leoleo o le a faaoo la latou mataupu i le matagaluega o pisinisi ma galuega

Ripotia e le Herald, e le na o le pau lea o le pisinisi o loo solia tulafono ua faamalosia ai vaccine passes