Ua agiga lipoti i le vaiaso  nei  e  faatatau i se isi aai fou o le a fausia i le itu i sisifo o Sini, faitau afe fale  o le a fausia ai faataamilo i le Western Sydney Airport.

O le faigamalo a le  setete  ua o latou taliaina le fuafuaga lea a le Bradfield City Centre ole a maua ai avanoa faigaluega e 20 afe ma fausia ai fale fou e 10 afe, fai mai o le 10 pasene  o ia  fale o le a faigofie  ona gafatia ona totogi.

O le fuafuaga  lenei pei ona lipotia e le 9news sa  tuufaatasia e le  Bradfield  Development Authority ma o le a faaliliu ai le fanua e  114 hectares i se aai e faigofie ona savalia ma o  le a aofia ai ma nofoaga mo fale gaosi oloa ma pisinisi.

O le a i totonu o le 400 mita mai le station fou le Bradfield Metro e lei leva nei ona tatala. O le a aofia ai ma se Central Park pe 2 hectares lona telē, o vaitaele, nofoaga mo ni faamoemoega tetele pei o koneseti ma polokalame mo tagata lautele.

Fai mai le Faigamalo a NSW o le Bradfield City Centre  o  le a malosi lona taulaiga i aganuu, mea e mafai ona tuufaatasia ma faatino ma o loo lagolagoina i le piliona mai le faigamalo a le sitete. 

Puna o Faamatalaga: https://www.google.com/amp/s/amp.9news.com.au/article/160b69f3-f9a4-4521-8e5e-528ddf19eae7