Ua faailoa taiala a le malo e faatatau i suiga o tulafono o loo aiaia ai le saoasaoa faatapulaa e feoai ai taavale i totonu o Niu Sila, e aofia ai ma nofoaga o loo iai aoga.
O fuafuaga mo tulafono fou ua fofola mai ua sau variable speed limits, poo le saoasaosa faatapulaa e fesuisuiai i taimi o le aso, ma o suiga nei e aofia ai le tuu mai i lalo o le saoasaoa e alu ai le taavale i taimi e momoli ai fanau i le taeao i aoga faapea ai ma le taimi e tuua ai aoga.
O le isi foi suiga ua faailoa mai, o le tuu mai i lalo o le saoasaoa faatapulaa mo na o auala e talafeagai ai, ae lē o aofia atu ai ma auala pisi e moomia e le toatele ma o auala foi nei e lē o maualuga le fuainumera o faalavelave e tutupu mai ai.
E lē o tagata uma e fiafia i suiga ua faailoa mai e le malo, ma o le ogatotonu o le tausaga nei e sau ai i tua mo le faaalia o finagalo o tagata lautele.
