SYDNEY, AUSTRALIA - JANUARY 26: Protestors arrive for the 'Invasion Day Rally' on January 26, 2021 in Sydney, Australia. Australia Day, formerly known as Foundation Day, is the official national day of Australia and is celebrated annually on January 26 to commemorate the arrival of the First Fleet to Sydney in 1788. Indigenous Australians refer to the day as 'Invasion Day' and there is growing support to change the date to one which can be celebrated by all Australians. (Photo by Brook Mitchell/Getty Images)

Silia ma le 7500 lesitala mo savali o le Australia Day 2021

E silia ma le 7500 tagata na resitala lo latou fia auai ai I se solo fuafua e faia I le aso I le Domain I Sini Ausetalia.

O loo iai ma le lamatiaga e ono faasala ai ona o le solia o tuutuuga mo tulaga faapea e fia faia i nofoaga faitele lea e nao le toa 500 tagata e mafai ona auai ai.

O e tuufaatasia ia solo o loo valaau I le malo ina ia taofia le toe faailogaina o le Australia Day lea o loo faailoga I le aso ma ia faia le amiotonu mo tagata na uluai nofoia le atunuu le First Nations people.

O loo silafia foi e le palemia Scott Morrison le tele o finagalo eseese I le mataupu lea peitai e tumau pea lana finau e ao ona avea o se taimi e omai faatasi uma ai tagata o ausetalia o se atunuu e tasi.

O savali poo solo ia o loo faatino I le tele o laumua o setete ile atunuu mae ui I le vevela ole tau I le aso I le tele o setete ae na vaaia lava le toatele o loo finau ile faataunuuina o ia solo.

Ole faamanatuina o le Australia day e tuuina ai foi ma nisi o faailoga taualoa I tagata ausetalia aemaise o le faatauaina ole sao o soo se tasi sa foaiina mole atunuu.

Saunoa ai le minisita o tagata apoliki Ken Wyatt e moni o le Australia day ma lona faailogaina e manatua ai le tele o nisi o mea tiga ae o se aso foi e toe tomanatu ai I le talaaga o le atunuu ma le fefaamagaloai.