Savavali ese taitai o le Maori Party mai le fonotaga a le palemene ananafi ona e le i fiafia I le faatulafonoina o taimi e saunoa ai I le maota
O taitai ia Rawiri Waititi ma Debbie Ngarewa-Packer, na o I fafo ma le fono ona e le I faatagaina e le fofoga fetalai, Trevor Mallard e faasalave’I a’o saunoa le taitai o le National, Judith Collins
O Tulafono o le maota, o pati poo vaega faaupufai e silia ma le toa6 ona sui I le maota e maua le ta’I 30 minute e saunoa ai, a’o vaega faaupufai laiti e faatoa maua lo latou avanoa pe a fetaui ma le taimi ae le’I oo ina faia le malologa
Ae ona o I laua nei mai le vaega a Maori e fou I le maota, afai ae faasalavei I le felafolagoai-ga o finagalo o le a aafia ai le taimi faatulagaina mo a laua saunoaga faapitoa aloaia e ulufale ai I le palemene poo le maiden speech, lea e faatoa maua lo la avanoa I le vaiaso fou
Ua taua ai e Waititi e le o iai se avanoa tutusa I le va o pati I totonu o le fono, atoa ai e matele le faataua agai I tagata Pakeha nai lo le au Maori, ma o se faataitaiga lenei o le le lagona o se leo o tagata Maori
O le fonotaga ananafi o le uluai felafolafoaiga lea o finagalo o le palemene I lana paeaiga lona 53 ua amata nei Ae I totonu o le maota, e na o le pau foi ia o sui o le vaega a le au Maori, ma o lea foi faatoa toe maua ni nofoa mo lea pati I le paeaiga lenei aua o lea na tafiesea uma ina ua le manuia I le faigapalota i le 2017.
