O le asō le aso muamua i le maliega mo se filemu ua faia i le va o Isaraelu ma le Hezbollah ae ua ta’ua i lipoti ua iai se filemu i le tuaoi ae iai foi ma popolega ina ne’i alia’e nisi faamata’u.
E eseese lagona faaalia o tagata i lea faaitu o le lalolagi i le taunuu mai i le aso muamua ua lē toe faalogoina ai le pā pā o ni fana ma pa’ō o le taua i ia faaitu.
Fai mai o le to’atele o tagata e aumau i le itu i Matu o Isaraelu ua mumusu e toe foi i o latou aiga ae manatu foi i latou sa nonofo pea i o latou fale i le taimi o le taua, ailoga a iai se filemu mautū.
I Lepanona e to’atele tagata na aveesea mai ma o latou aiga i le taimi o vevesi ua toe foi uma i aiga.
E lē o aofia ai fua Gaza i le maliega lea ma o loo faaauau ai pea lava osofa’iga a Isaraelu.
Fai mai nisi ua lē masani i le feala ane i le taeao ua filemu mea uma.
Puna o Faamatalaga: https://www.9news.com.ae/world/israel-hezbollah-ceasefire-brings-unusual-calm-border-town-residents-return-home/a2bf0e1c-def3-40e7-873d-190665ec84d1
