Ua pu’e e leoleo ni alii se to’alua e feta’ua’ina lo la faamalepeina ma le aveina atu i fafo o taavale gaoi i Upper Hutt ma Kalaiesetete.

O su’esu’ega sa faia a leoleo ma le Customs poo le ofisa o tiute ua pu’eina ai i laua ia e 21 tausaga o le isi mai Upper Hutt ma le isi e 39 tausaga mai Kalaiesetete.

O le to’alua lea ua feagai ma moliaga o le taliaina o taavale gaoi atoa ai ma le solia o le tulafono tau taavale, le Secondhand Dealers and Pawnbroker Act 2004.

Fai mai leoleo afai e te solia le tulafono o le a sailia oe seia maua.

E talitonu leoleo o ituaiga gaioiga nei ua faatupula’ia ai le tele o le augaoi taavale i le atunuu.

Na amata masalosalo leoleo i le mataupu lea ina ua silafia le solia o le tulafono i le mae’a o se asiasiga i nofoaga e faama’ape ai pe talepe ai tulou, taavale, ona lafo lea e faatau i atunuu i fafo.

O le lua ai la lea o nofoaga faapea mai Kalaiesetete ua ave i le tulafono.

Puna o Faamatalaga: https://www.1news.co.nz/2024/09/06/two-arrested-for-alleged-dismantling-exporting-of-stolen-vehicles/