E iai nisi na potopoto ae i le ogatotonu o Ueligitone i le asō e faatalia ai le taunuu atu o le Premier o Saina i lana malaga mai i Niu Sila nei.
Sa vaaia ai tagata pe ā ma le 200 i fafo ane o le faletalimalo i Central Wellington ma faailo ma fu’a e faailoa ai lo latou lagolago i le malaga mai o lea ta’ita’i.
I le isi itu o le aai lava ua lipotia ai se isi foi kulupu na potopoto ai foi e faailoa lo latou lē fiafia i le malo o Saina ma ua lipotia sa tulai mai ai sina vevesi i kulupu uma e lua.
O le malaga a le Premier o le a aofia ai ma se sauniga faafeiloai aloaia, talanoaga faavaomalo ma se taumafataga aemaise polokalame o le a aofia ai i Ueligitone faapea foi ma Aukilani.
Ua faailoga ai foi ma le 10 tausaga o faiga faapaaga i le va o atunuu e lua le New Zealand China Comprehensive Strategic Partnership.
Puna o Faamatalaga: https://www.rnz.co.nz/news/political/519401/heated-exchanges-between-protesters-supporters-as-chinese-premier-arrives
