Ua faaalia le popole o le minister fou o le soifua maloloina, Andrew Little I le faaauau pea o solo tetee a St John
Amata atu I le itula e 6 o le taeao a taeao ona solo tetee le aufaigaluea a St Johns
24 itula le umi o lea tetee, ma ua fautuaina I latou e moomia vave auaunaga taavale ambulance e valaau le 111
O lenei tetee o le a aafia ai nofoaga o loo iai ambulance a St Johns, ma o le a matele I Aukilani, Waikato, Bay of Plenty ma Canterbury
E le o aafia I le tetee lenei auaunaga ambulance I Ueligitone ma Wairarapa, ona o loo faaaogaina ai auauanaga ambulance e aunoa ma se totogi
O le le fiafia lava o tagata faigaluega I le siitaga o o latou totogi na folafola I le tausaga talu ai, peitai o lea ua tali le pulega ua le gafatia le totogiina o nei siitaga fou
Ua sau ai ma le talosaga a le minisita, ia I latou o loo faatalanoaina se iuga o lenei mataupu e vave ona soalaupule ona o le aafia ai o auaunaga o loo moomia ai ambulance i taimi faavavave Ese mai I le tetee a taeao, afai ae le faamalieina lava le iuni ma tagata faigaluega, o le aso Toonai nei mai le 6 I le taeao o le a toe solo tetee ai foi, seia oo I le 6 I le taeao o le aso sa
