Ua poloa’ia le poloa’iga o faalavelave faafuase’i mo Dunedin a o tigaina ai i lōlōga ma eleele solo.

O le lata i le itula e 12 anapo lea na fofoga mai ai le poloa’iga o faalavelave faafuase’i ma e oo mai i le taeao nei e tusa ma le 70 tagata Dunedin ua aveesea faamalosi mai o latou fale.

O le vaveao foi analeila pe tusa o le ‘afa o le tasi lea na lipotia mai ai eleele solo ua faaleagaina ai ogapaipa o loo sau ai le suavai maua mo tagata Otago Peninsula ma e oo mai i le taimi o tala fou o loo faia pea su’esu’ega aemaise o galuega toe fetuutuunai ina ia toe maua le suavai.

O tagata i Saute o Dunedin nonofo latalata i Hillside Rd ma Surrey St lea o loo fautuaina le tatau ona oese ae aga’i i nofoaga maualuluga.

A o faaauau ai pea ona aveesea tagata mai o latou fale ona ua lē saogalemu, ua ta’ua mai foi le motusia o le eletise i le tele o vaega o Dunedin ma o loo faaopoopo foi ma le lisi o auala tapuni.

Ua faamaonia mai ai foi e le minisita o le Emergency Management Mark Mitchell, e lē o mautinoa le fuainumera o fale ua faaleagaina e lōlōga, pau o lea ua manino e telē se galuega e moomia ona toe faia.

Puna o Faamatalaga: Weather live: State of emergency declared in Dunedin, evacuations under way | Stuff