Ole a fesiligia le fofoga fetalai o le maota fono a niusila Trevor Mallard ise mataupu faaletulafono pe afai e tulai I luma ole komiti filifilia ile aso lulu o le vaiaso nei . Ole vaiaso na tea nei na toe faatoese ai Mallard faalauaitele onao ana faamatalaga sa faia e faapea o loo iai se tagata o loo tuuaia I le faia o uiga mataga fai faamalosi o loo galue I lotoa o le palemene.

Na faamalolo le tumau ai se tasi o tagata faigaluega e pei ona faailoa I le lipoti I le aso, ae faia le suesuega lea e fetauaina e oo atu I le silia ma le 330 afe tupe a le au totogi lafoga ua faaalu ai.

Ole vaega faaupufai a le National faapea ma le ACT ua o latou tau fai faailoa le le toe faamoemoeina o le fofoga fetalai ma ua valaau ai ina ia faamavae mai lona tofiga ona e talitonu ua le o toe agavaa mo le galuega.

Ole taeao analeila na faailoa ai e le palemia Jacinta Adern ile Morning Report e faapea i tausaga ua tuanai sa faailoa ane e pati o loo agaia le malo lo latou le faatuatuaina o le fofoga fetalai ae na ia faaalia o loo iai pea lona faatuatuaga ia Mallard e ui ua iai nisi mea sese sa ia faia ma o lea foi ua maea fesootai Mallard ile komiti filifilia e fetuunai se taimi mole faatalanoaga.

Fai mai le palemia o loo iai fesili o loo mananao le National ina ia tali e tusa o le mataupu lea e faatatau I le totogi o le suesuega ae pe na faapefea foi ona faatupe.

Ile masina o Aukuso tausaga nei na tuuina ane ai nisi aiaiga mai le fofoga fetalai e uiga I le faatupega o tupe faaalu a faipule, lea ua faalautele ina ia aofia ai ma nisi o tau e totogi mo tau faaletulafono ina ia faatupe mai tupe a le au totogi lafoga. Ile taimi ua sola sa nao tau faaletulafono e teteeai I se faamasinoga e mafai ona faatupe mai tupe ia ona o tulaga faa faipule ae e le aofia ai settlements peitai la o lea ua foliga ua taumafai le fofoga fetalai e sui aiaiga ma tulafono ina ia kava ai male tulaga ua tulai mai I le mataupu na ia faia ai faamatalaga le sao e faatatau I sea tagata faigaluega. O le a faatalia la le feiloaiga lea I le aso lulu o le vaiaso nei mo se tala latamai o lenei mataupu ae o Trevor Mallard sa tetee foi iai le faitau selau o tagata I le 2018 I lona faatoa tulai mai sa ia aveesea ai le igoa o Iesu mai le tatalo a le Alii e faia I aso taitasi I le palemene