O le a faataunuuina le Multicultural Aoraki Festival a Canterbury i le aso a taeao.
E 89 poloka, e aofia ai fale’aiga ma pisinisi ua mae’a lesitala mo lea faamoemoe.
E lē gata o le a faaalia ai tu ma aga, faafiafiaga ae faapea le tele o meaai eseese mai ia i latou o loo tuufaatasia lenei faamoemoe.
O le auga ma le autu o le aumai ai pe potopoto faatasi ai tagata.
O tu ma aga a tagata Pasefika, tagata Saina, Suria, Aferika i Saute, Filipino ma Initia lea o le a faaalia uma I Timaru i le aso a taeao.
Ma i molimau a i latou o loo taitaia, o aganuu eseese nei e mai i Saute o Canterbury.
Ua ta’ua e oo atu i le 4,000 tagata na auai i le faaaliga lava lenei i le tausaga talu ai, ma o loo iai le faamoemoega e oo atu foi i lea fuainumera le toatele o le a auai.
O le itula e 11 i le taeao e amatalia ai le festival seia paia le itula e 3 i le aoauli ma e faia lea i le Ara Field, Grey Road i Timaru.
