Ua moomia vave e le Iuni o loo tu mo Leoleo se tala mautinoa mai le malo e tusa ai ma o latou totogi.
Ua mae’a fonotaga i le aso ananafi peitai e lei maua mai se tala, e ui o lea na talanoaina e le Kapeneta le mataupu i le Aso Gafua.
Ua faailoa e le peresetene o le asosi a Leoleo, Chris Cahill, o lea lava na manino le manaoga o le Iuni i le vaiaso talu ai ua moomia vave se tali mai le malo ma le isi vaega o totogi o loo tālia pea, ma o le vave lea e mananao iai o se aso o lenei vaiaso.
Ua lipotia e le Stuff e iai leoleo ua amata ona ave a latou tusi faamavae ma ua tapena e agai i Ausetalia.
A o faatalitali ai Leoleo ma le Iuni, ua faamauina i faamatalaga e iu ina moomia se isi tutoatasi e tu i le va o itu e lua ma fesoasoani ina ia ausia se maliega, ae peitai na ta’ua e le Minisita ia Mitchell, e lē o iai se manatu i lea itu i le taimi nei.
