Ua iai le tagata ua molia e leoleo i le faalavelave i le vaiaso nei i Sini, lea na osofa’ia ai foi se tasi o alii taalo lakapi liki Marrickville i le po o le Aso Gafua.

O Sitaleki Filihiahekava, 32 tausaga na maua o iai ni manu’aga ma maliu ai mulimuli ane i fafo ane o le fale’aiga, Guzman y Gomez sa fai ai sa latou taumafataga ma lona aiga.

O le lipoti mai leoleo ua ta’ua ai e talitonuina o le tagata e aofia i le mataupu lea na vaaia o momo’e agai i Silver Street i le faato’ā uma ona osofa’i Sitaleki.

O le afiafi ananafi poo le te’a o le ‘afa o le 5 na pu’e ai e leoleo se alii e 31 tausaga mai Concord ma ua molia i le fasioti tagata.

O le asō e tula’i ai i le faamasinoga.

Puna o Faamatalaga: https://www.9news.com.au/national/man-arrested-after-fatal-stabbing-in-marrickville-sydney/f4b54e8d-13e2-4295-a789-2968b8d78ab2