O se tasi foi faalavelave na lipotia mai le faaitu o Onehunga i Aukilani ua pu’e ai e leoleo se alii ma molia i le fasioti tagata i le po anapo.
O lea tagata e 32 tausaga le matua ma sa tula’i i le faamasinoga i le asō ina ua maliu ai se isi tagata o se alii i se tuatusi i Selwyn St e pei ona faamanino mai e le satini sinia o Tony Darvill i le aufaasalalau.
Fai mai o lē ua maliu na aafia i se fana ma e leai foi se isi tagata o toe sailia e leoleo i le taimi nei ae talosaga pea mo nisi e silafia ni faamatalaga ina ia fesoasoani ane.
Fai mai na leoina e leoleo le nofoaga na tupu ai le faalavelave i le po anapo ma o loo faia ai su’esu’ega i le asō.
Puna o Faamatalaga: https://www.newstalkzb.co.nz/news/national/man-arrested-and-charged-with-murder-after-fatal-shooting-in-onehunga-auckland/
