Ua lē manuia taumafaiga a le Manu Samoa taitoafitu e saili ai sona avanoa mo taaloga Olimipeka ina ua malolo i le la taaloga ma Farani i le semi finals.
O se taaloga na matua manino ai le malosi tele o le au a Farani ma tulai mai ai le iuga o le taaloga Samoa – 0 , Farani – 31.
O lenei taamilosaga na faia i Monaco i Europa o le toe avanoa lea mo le au a le atunuu e finau aim o se avanoa i taaloga tetele a le lalolagi.
Na manumalo le talaoga muamua a Samoa i ai e 69 i le 5 a le au a Mexico, toe manumalo ai foi i ana taaloga e lua ma Tonga i ai e 47 i le 5 a Tonga faapea ma le talaoga ma Zimbabwe i ai e 33 i le 7.
Peitai e le’i manuia taumafaiga i le la taaloga ma Ireland i ai e 21 i le 7 a Samoa mulimuli ane maua le avanoa e taaloga ai i le Semi Finals peitai e lei manuia foi.
O le au a Ireland lea ua faamanuiaina i le avanoa e tasi e taaalo ai i taaloga a le Olimipeka.
