E oo atu i le $34 miliona le tau o faasalaga tupe ua tuuina i tagata e mafua mai ona o sala e faatatau i fusipa’u o taavale, seatbelt offences i totonu o le 6 masina talu ai.
Ua faailoa o faiga faatekonolosi fou ia ua faaaogā ua maua ai le tele o le ausolitulafono.
Na amata ona faaaogā mai ia metotia fou i Niu Sa Uelese i le aso 1 o Iulai o le tausaga na te’a nei ma vaaia ai le aga’i i luga o le aofa’i o le ausolitulafono i fusipa’u, o nisi e lē faia fusipa’u, o isi e lē sa’o le faiga o fusipa’u.
O faamaumauga mai le Revenue NSW ua iloa ai le siitia maualuga lea o pasene o le ausolitulafono i le 6 masina aga’i mai ia Iulai ia Tesema 2024 e faatusa atu i le piliota lava lea i le 2023.
E silia ma le 70 afe faasalaga lea a tuu aofa’i e $34 miliona le tupe e maua ai i le 6 masina mulimuli o le 2024.
E lē o tagata uma o loo fiafia i lea faiga ma o loo finau isi sa fai fusipa’u ma o loo maua lelei foi i cameras o taavale, o nisi o nei mataupu o loo finauina pea ae o le mea mautinoa, e maualuga le numera o tagata ua faasala i mataupu e faatatau i fusipa’u o taavale.
Puna o Faamatalaga: https://www.9news.com.au/national/drivers-question-seatbelt-fines-as-nsw-government-rakes-in-34-million-in-six-months/b672225c-d099-4802-9248-65f90dc1dd18
