Ua lipotia mai le aafia ai o le alii fusu ia Lupesoliai Laauliolemalietoa Joseph Parker i auga o le faamai oti o le koviti19 a’o fesoasoani ai i le tapenaga a le alii fusu tautaua i le lalolagi ia Tyson Fury e ala i sana fusuaga ma le alii o Deontay Wilder i totonu Las Vegas i Amerika.
O lea fusuaga na fuafua mo le aso 25 o Iulai peitai ua toe tolopo nei lea faipelega ona o le faamaonia ai o le aafia o o le alii fusu ia Tyson Fury i le Koviti19.
Ripotia mai e le alii tusitala ia Dan Raphael o le alii o Parker sa iai i le vaega a Tyson Fury e ui lea na taua e Parker i luga o le Newshub o loo manuia pea o ia ma lona aiga.
Mulimuli ane toe faailoa mai o nisi o i latou ua faamaonia le aafia i auga o le faama’i e aofia ai le alii faiaoga ia Andy Lee, o le alii fusu ia Issac Lowe ae faapea le alii o Joseph Parker aua o i latou ia na auai i le tapenaga mo le fusuaga.
