E 173 cases fou o le koviti 19 ua faamauina ile aso ma lipotia ele matagaluegaole soifua maloloina. E 154 oi latou ia e mai Aukilani, 15 o loo i Waikato, toatasi i Northland, toa 2 ile Bay of Plenty ma le toatasi ile Lakes District.
E toa 78 gasegase o loo faataotolia i falemai e aofia ai ma le toafitu ile ICU. E toa 75 o loo ile falemai i Aukilani male toatolu ile falemai i Waikato. O le faatonu o le Soifua Maloloina Lautele Dr Caroline McElnay sa talanoa ma tusitala ma ia taua ai o le tui puipui o le Pfizer e oo atu i le 90 pasene lona aoga ile taofiofia o le maliu o le tagata mai le faamai.
Na ia faamanatu foi le tulaga ogaoga ua toe oo iai atunuu tetele lea ua matele ina toe faatulaga itu tau le puipuiga lautele. Ua saunoa foi le sui palemia o le atunuu i lea lava feiloaiga e tolu pulega a falemai faaitumalo poo district health Boards, pulega o falemai faaitumalo ua ausia le 90 pasene o tagata ua faia tui puipui muamua.
Taua foi e le sui palemia o lea ua amata tatala nei le faatulagaina o avanoa poo appointments mo tui puipui faaopoopo poo booster shots ma o le a amata ile aso 29 o Novema. O tagata faigaluega ole soifua maloloina ma le aufaigaluega i tuaoi o le atunuu o loo ave iai le faamuamua
Ua avanoa foi le faia o appointments mo le tui puipui ole Astrazeneca.
