Ua iai nisi o vaega o le atunuu ua ta’utino le tele o a’oga e lē o lava faia’oga mo a’oga i le tausaga fou.
Toe molimau le to’atele o pulea’oga i tala a le leitio faavaomalo a Niu Sila, e moomia nisi faia’oga faaopoopo, e lē gata i le faaopoopo o fanau a’oga e o mai ona o tagata faigaluega na sa’ili mai atunuu mamao, ae faapea ai ma le faaopoopo o release time a faia’oga lea e aloa’ia i le tausaga a sau.
Ua fai mai ai foi o lea o loo faaopoopo pea talosaga mai faia’oga i atunuu i fafo, peitai o le mana’oga o talosaga mai faia’oga i totonu o Niu Sila.
O le popolega i faia’oga nei e omai mai atunuu mamao, e lē umi ona nonofo.
Fai mai ai ma le asosi o pulea’oga i Southland, o lea lava e paso e su’e nisi faia’oga ma o lea ua oo ai lava ina alu imeli i tua e faafesili i nisi o pa’aga o loo galulue ma a’oga e fesoasoani mai i le sa’iliga o ni faia’oga.
O le to’agaogao o faia’oga e le gata o a’oga tulagalua ae faapea ai foi ma kolisi maualuluga.
Puna o Faamatalaga: School principals warn staffing shortages will continue next year
