O loo faafetaia ma viia e nisi o tamaitai aoga o se kolisi a le Katoliko i Aukilani galuega a le vaega o fesoasoani faavavave i le mae’a o se faalavelave e aofia ai se pasi na malaga ane ai tamaiti aoga lea na vaaia i ata o loo tautua mai i le siui o le motorway.
Fai mai le molimau a le pule aoga o le kolisi o Sagata Malia poo St Marys i Aukilani semanu o le taavale sa i tua tonu o le pasi sa iai totonu se tasi o le aufaigaluega a le aoga lea na fesoasoani vave ane i lea taimi ma ua faamaonia o loo saogalemu uma tamaiti aoga sa i luga o le pasi ma ua tuuina foi iai le fesoasoani manaomia i tulaga faapea.
E 24 tagata na faia siaki ina ua mae’a ona tupu le faalavelave lea poo le tea laititi o le 8 i le taeao analeila i Newton. E le o taua pe na mafua i se ā.
