Ua lapata’i mai faia’oga i le to’atele o fanau a’oga o loo faaaogāina AI poo artificial intelligence e kopi ai le faiga o meaa’oga.
O lea ua toe molimau sui o a’oga i polokalame komepiuta ua faaaogā nei ia iloga gofie ai, peitai e lē o taimi uma e maua ai ma e iai lava nisi o fanau a’oga o lea e sao.
I se lipoti a le leitio a Niu Sila o loo toe molimau ai le to’atele o faia’oga i tamaiti o loo faaaogāina faiga faatekonolosi nei e tusia ai essay.
Fai mai ai le matagaluega o a’oga faapea pulega o loo mata’itūina faailoga mo a’oa’oga i Niu Sila, o lea lava e iai le fautuaga mo faia’oga ma le maualuga e mafai ona faataga ai le faaaogā o AI.
Peitai e lē o lava lea tali i le silasila a se tasi o faia’oga mai Hamilton, lea o loo faaalia lona popole ona e lē o iai se ta’iala mo a’oa’oga i Niu Sila ma le faaaogāina o AI, ma ua pei ua avea lea ma sa’olotoga i le tamaititi a’oga.
Ae mai nisi o faia’oga, o le itu e lelei ai AI o le mafai lea ona toe faaleleia atili ai o tapenaga a fanau e ala i le toe siaki ma sui faaupuga o a latou taumafaiga, e ese mai le faiga o loo faamoemoe tasi iai nisi o fanau a’oga.
I faamaumauga o fanau a’oga o loo faamoemoe i AI e tapenaina meaa’oga, o loo faamauina i totonu o Niu Sila le alu pea i luga.
Puna o Faamatalaga: https://www.rnz.co.nz/news/national/528711/students-using-artificial-intelligence-to-cheat-on-assessments-teachers-warn
