O loo silasila nei le Australia Post i le agavaa o le faatumauina pea o isi lala e 30 o le auaunaga ina ua vaaia le toatele o ana paaga ua agai i le online service poo auaunaga faatino i upega tafailagi mo le faatautaia o a latou pisinisi.
O loo iloilo nei le auaunaga lea i le atunuu atoa, tusa lea ma le silia ma le 4 afe lala o le falemeli poo le post i Ausetalia, ua iloa ai foi talu ona pepesi malosi le Koviti-19 ua matuai faaitiitia le agai o tagata e faaaoga ofisa o le post office i le city.
I se faamatalaga mai se sooupu o le Australia Post ua taua ai e lei mautu se faaiuga e tapunia nisi o ona lala ae o loo iloilo i le taimi nei ae o le a iai ni nai fetuunaiga pe a maea le iloiloga.
Fai mai le sooupu o le mafuaaga o le iloiloga poo le review ona ua matauina o le toatele o ana paaga ua faaaoga le auaunaga o le Australia Post digital and non contact service.
E silia ma le 4 afe ofisa o le Australia post i totonu o le atunuu atoa.
