Ua saunoa le Premier o Kuiniselani o David Crisafulli o le a faatino gaioiga talafeagai e faaleleia ai le auaunaga a le setete i le puipuiga mo fanau i le mae’a o le faalavelave na uma ai le ola o si teineitiiti 8 tausaga o Elizabeth Struhs.
E 14 sui o se kulupu faalelotu e aofia ai ma mātua o le teineitiiti, ua faamaonia i le vaiaso nei le solitulafono i le fasioti tagata pa’ivalea i le teineitiiti, fai mai e aafia le teineitiiti i le ma’i suka ma maliu ai ia Ianuari 2022 ina ua aveesea lana insulin mai lona aiga i Toowoomba.
Fai mai le Premier o le mataupu lea ua gugulu ai le setete ma o loo maumaua’i le setete ina ia faia ni suiga i le system.
O le to’a 14 uma o loo aofia i le mataupu lea o le a lauina i’uga i le faamasinoga i le masina fou.
Puna o Faamatalaga: https://www.abc.net.au/news/2025-01-31/elizabeth-struhs-child-safety-queensland-government/104876002
