Ua faalauiloa e le faigamalo a le Feterale ile vaiaso nei ua tuuina nei seisi vaegatupe faaopoopo e 8.4 miliona mo le Australian wildlife ma suesuega e mafai ona faatino I le soifua maloloina o meaola I totonu o leisi fa tausaga. Mafua lea tulaga ona e 1,7 miliona ituaiga vairusi eseese mai meaola ma manu e ono mafai ona avea foi ma faamai tele pei le koviti 19 ile lumanai ma o le faamoemoe la lea o le vaegatupe faaopoopo ina ia tali atu ai ma pulea lelei nisi o tulaga e ono aafia mai faamai ma vairusi mai meaola.
Fai mai le minisita o faatoaga David Littleproud o le vaegatupe lea o le a tuu ai Ausetalia ile pito I luma o le laina o taumafaiga ile lalolagi atoa e taulai ile taumafai e foia nisi faamai tetele faapea ile lumanai.
O lea faaputugatupe o loo fuafua foi e galulue faapaaga aloaia ai ma le suesuega faatino e le Wildlife Health Australia o loo faia I totonu o Ausetalia faapea foi ma ona tuaoi faapasefika.
