O le a finauina e le Melbourne Storm le faasalaga a le NRL Judiciary ua tuuina ia Nelson Asofa Solomona lea o le a ia misia ai isi taalogae fā e aofia ai ma le sailiga siamupini o le taamilosaga lea ua sao iai lana ‘au.

O le pu’e maualuga a Nelson i le taaloga i le Aso Faraile ma le Roosters lea e afua ai lea faasalaga ma o le afiafi ananei e fesaga’i ai le alii taalo ma le judiciary a o taoto ai ma le talosaga a le Storm ia vave faia lea feiloa’iga ina ia aua ne’i faalavelavegia ai a latou tapenaga mo le final.

Afai ae faaitiitia le moliaga i le grade one o lona uiga o le a faaliliu le faasalaga i le totogi o le 30 afe ae avanoa ai loa le alii taalo mo le Final ma le Panthers i le Aso Sa o muamua peitai afai e lē faamanuiaina le finau a lana kalapu, o lona uiga e 5 taaloga o le a faamālōlō ai.

I le faatalanoaga i le asō a le Alaata 9 ma lē sa avea ma kapeteni o le Storm i tausaga ua te’a, Cameron Smith na faailoa ai e Smith, ua tatau ona sui le faiga faavae a le NRL ia faamautinoa ai e lē misia e tama taaalo taaloga tetele ona o ia tulaga ma o se faasalaga ua tugā.

E lē o le taimi muamua lea ua tula’i ai se mataupu faapea e aofia ai tama taaalo o le Storm, o Smith foi sa lei mafai ona ta’alo i le Final o le 2008 ona o le faasalaga foi faapea lea na faia’ina ai le Storm ia Manly.

Puna o Faamatalaga: https://www.nine.com.au/sport/nrl/news-2024-grand-final-melbourne-storm-contest-nelson-asofa-solomona-judiciary-charges-20240930-p5keh9.html