E finagalo le minisita o Judith Collins ina ia faaaogā e le Malo le AI poo le Artificial Intelligence poo le atamai tau komepiuta e fesoasoani ai i le auaunaga tau le soifua maloloina ma aoaoga.
Sa faailoa e Collins i le lipoti a le televise tasi, o le tekonolosi lea e mafai ona faaaogā e le Malo e aofia ai ma le faagaioia o nisi o talosaga i lalo o le Official Information Act.
Na ia faailoa foi e mafai ona faaaogā e faiaoga i le togiina o pepa aoga.
I le soifua maloloina foi ua ia ta’ua e aogā i le aoina mai o faai’uga o suesuega e faia.
E iai nisi vaega o le AI e lē faatagaina e le Iuni o malo o Europa ae lē aofia ai Niu Sila.
I le lipoti o loo ta’ua ai e iai lava nisi o popolega i lea ituaiga polokalame fou ma ona aafiaga, peitai na faasoa le minisita o loo iai tulafono a Niu Sila e faatatau i tulaga faalilolilo o tagata ma faiga faaonaponei, digital and privacy laws e mafai ona faaaogā e puipuia ai mai nisi tulaga.
Puna o Faamatalaga: https://www.1news.co.nz/2024/07/03/ai-for-school-tutoring-medical-analysis-part-of-nzs-future-collins/
