O lipoti aupito lata mai o le faalavelave na tupu i Sini i le aso ananafi ua faailoa ai sa faatalitali lelei e tagata na o ane e faaoo le oti ia Sam Abdulrahim lea e faaigoa o le Punisher, le taimi e taunuu atu ai i le kapaka o le nofoaga o loo faamautū ai ma tafana ai loa i le taeao ananafi i le kapaka o le Quest Hotel i Preston.
Fai mai le 9News na faatino lea osofa’iga a o savavali atu Abdulrahim ma lana uo tamaitai i le taavale ma sosola ese ai le aufasioti tagata i se taavale lanu pa’epa’e na maua i se taimi mulimuli ane ua susunu i le fetaula’iga ala i Northernhay ma Alexandra Street.
E le’i aafia lana uo tamaitai ma o loo fesoasoani i leoleo i le su’esu’ega.
Sa faailoa i se faamatalaga mai leoleo e iai lo latou talitonuga e lē na o le toatasi se tagata e aofia i le mataupu lea i le fasiotia o Abdulrahim.
O Sam Abdulrahim e aofia i vaega e aofia i soligatulafono, underworld figure ma ua ta’ua i lipoti e lē o le taimi muamua lea ua taumafai ai nisi e faaoo le oti i lea alii ma ua laumanuia foi e $1 le piliona se tupe o loo ofoina i se tasi na te mafai ona fasiotia.
O loo faaauau su’esu’ega a leoleo ae iai ma le popolega e iu ina toe tali ane le vaega a Abdulrahim e taui le faalavelave ua tula’i mai.
Puna o Faamatalaga: https://www.9news.com.au/national/sam-abdulrahim-the-punisher-murder-melbourne-killers-lay-in-wait-what-we-know-gangland-execution/297f4633-3ae8-44fd-8878-9b3bb7a942ba
